Zumaiako Udaleko lanpostuen zerrendan hutsik dagoen diruzain lanpostua funtzionario izaeraz betetzeko eta lanpostuan sortu daitezkeen bestelako aldi baterako beharrak betetzeko deialdia argitaratu du Udalak.
Uztailaren 6ra arte aurkeztu ahal izango dira eskaerak. Telematikoki egiteko aukera lehenetsi du Udalak, egun bizi dugun alarma egoera dela eta. Zumaiako Udalaren webgunean aurki daitezke deialdiaren oinarriak, eskaera orriak zein eskaera telematikoki egiteko loturak.