Uztaileko kultur egitarauaren baitan, atzo eskaini zuen Osa+Mujika dantza talde garaikideak Expectations will not kill you emanaldia. Eguraldiak lagunduta, hainbat herritar hurbildu zen Odietako frontoira Jaiotz Osa zumaiarrak sortu berri duen azken ikuskizuna ikusteko asmoz.
Dantza saioa ikusteko, herritarrek turismo bulegotik eskuratu behar izan zituzten sarrerak, eta gauza bera egin beharko dute udan zehar antolatuta dauden beste ekintzetarako. Gainera, atzoko emanaldian bezala, udan zehar antolatuta dauden ikuskizunetan beharrezkoa izango da distantziak gordetzea eta maskarak eramatea.