Musika Jaialdiaren barruan kontzertua eskaini behar zuen atzo ZUMB Zumaiako Udal Musika Bandak, Santiago etxean. Arratsalde partean sartu zen galernak, ordea, kontzertua behar bezala ematea eragotzi zien musikariei. Hiru aldiz saiatu arren, kontzertua bertan behera uztea erabaki zuten azkenean, segurtasunagatik.
Gaur jarraituko dute Musika Jaialdiko ekitaldiek. Hain zuzen ere, San Pedro abesbatzaren kontzertua izango da 20:00etan parrokian. Igandean, berriz, Sapere Aude Sinfonietta-ren emanaldiak hartuko du Zumaiena aretoa.