Mutrikuko partida jokatu aurretik, atzo, Donibane Lohizuneko hirugarren masterreko finalerdia jokatu zuen zumaiarrak. Ibon Aldazabalekin osatu zuen bikotea, eta erraz nagusitu ziren Beaskoetxea eta Basqueren aurkako partidan. Erakustaldia eman zuen atzo Goikoetxeak, eta bi setetan irabazi zuten bere finalerdia (15-6, 15-4)
Beste finalerdian Jon Tambourindeguy eta Lekerika, Barandika eta Aimarren aurka aritu ziren. Partida hau ere bi setetan erabaki zen Tambourindeguy eta Lekerikaren alde (11-15, 12-15).
Finala asteartean jokatuko dute, Donibane Lohizuneko Campos Berri frontoian.