Osasun Sailak adierazi duenez, Urola Kostan 22 izan dira positiboak: zazpi koronabirus kasu berri egon dira Azpeitian, bederatzi Zarautzen, eta bina kasu Azkoitian, Orion eta Zestoan.
Araban, Bizkaian eta Gipuzkoan ere ez du etenik positibo berrien kopuruak. Izan ere, 764 izan dira azken orduetan hiru lurralde horietan hautemandako kasuak —Bizkaian 365, Gipuzkoan 243, Araban 131 eta hiru lurralde horietatik kanpo bizi direnen kasuan, 25—. Atzo, guztira, 8.753 proba egin zituen Osasun Sailak, bezperan baino 398 gehiago.
Ospitaleratutako gaixoen kopuruak ere gorantz egin du, 217 baitira ospitaleratuta dauden lagunak, atzo baino hogei gehiago. ZIUn dauden gaixoak, berriz, 31 dira.