Maiatzean zen jokatzekoa proba hau, baina pandemiagatik abuztura mugitzea erabaki zuen antolakuntzak. Atzo jokatu zen lasterketa, eta osasun neurriak mantendu ahal izateko parte hartzea 200 korrikalarira mugatu zuten.
Goizeko 9:30ean abiatu ziren korrikalariak. Aurretik 21 kilometroko bidea zuten kirolariek, eta 1.483 metroko Beriain (San Donato) mendia igo behar izan zuten.
Leire Baraibar zumaiarra izan zen onena emakumezkoen artean. Emakumezkoetan baita ere, Sonia Albarez zazpigarren izan zen. Mikel Etxeberria, berriz, 19. izan zen gizonezkoen sailkapenean.
