Istripua gertatu da Zumaia eta Getaria kostatik lotzen dituen N-634 errepidean, 9:30ak aldera. Ertzaintzak Baleikeri baieztatu dion informazioaren arabera, ibilgailu bat errepidetik atera da, eta korrika zihoazen bi pertsona harrapatu ditu. Horietako bat larri dago, Ertzaintzak jakinarazi duenez. Zaurituetako bat zumaiarra da, eta bestea Zarautzen bizi den markinarra.
Errepidea ez dute guztiz itxi, eta txandakako zirkulazioa ezarri dute zauritutakoak artatu eta errepidea garbitu bitartean. Informazioa jaso ahala emango du Baleikek gertatutakoaren berri.