Luzapen asko izan ditu Arroa Behean biribilgune bat egiteko lanek, baina ari da pixkanaka forma hartzen. Abuztuan hasi zituen lanak Campezo Obras y Servicios SA enpresak, eta une hartan lau hilabeteko epean egingo zituztela aurreikusi zuten. Beraz, abendurarako bidegurutze arriskutsu bat zegoen lekuan biribilgune bat egongo dela espero da.
Biribilgunearekin batera, bidegurutzetik gertu dauden autobus geltokien irisgarritasuna eta oinezkoen segurtasuna hobetzeko semaforodun zebrabidea ere eraikiko dute laster Arroa Behean.