Gazte Koordinadora Sozialistak (GKS) deituta, elkarretaratze jendetsua egin zuten atzo arratsaldean Odieta pilotalekuan. "Burgesiak ezarritako eredu totalitarioaren" aurrean "askatasun zibil eta politikoak" defendatu zituzten dozenaka gaztek.
Elkarretaratzearen aurretik hitzaldia izan zen Torreberri gaztetxean, gazte kriminalizazioaz eta kontrol neurriez; horrez gain, GKSren jardunaren berri ere eman zieten bertaratu zirenei.