Zazpi abestiz osatzen da boskote zumaiarraren bigarren diskoa. Usategiko estudioan grabatu dute diskoa, pandemiak utzitako denboran: neguan hasi zuten grabazioa eta udan errematatu dute.
Osasun krisialdiagatik zuzenean aurkezteko oraingoz aukerarik ez dute –Durangoko Azokako Ahotsenean aurkeztuko dute–, ezta tabernetan salgai jartzekoa. Diskoa erosi nahi dutenek marlikzumaia@gmail.com helbidera idatzi dezakete.
Diskoa formatu digitalean erosteko aukera ere badago, Bandcampen taldeak duen txokoan. Baita diskoa bere osotasunean entzutekoa ere.
