Urtero Sarek Bilbon eta Baionan presoen eskubideen alde egiten dituen mobilizazioak herriz herri egingo dira aurten, urtarrilaren 9an. Zumaian 13:00etan izango da hitzordua, Itzurun hondartzan.
Elkartasun ekimen "erraldoia" egin nahi dute, hondartzaren goialde osoa herritarrekin betez, preso eta iheslarien eskubideen aldeko aldarria eginez eta "auzi honetan herritarrek duten erantzukizuna" hartuz. Ekimen honetan parte hartzeko aurrez izena ematea beharrezkoa dela nabarmendu dute antolatzaileek, osasun neurri egokiak hartzeko. Lotura honetan eman daiteke izena.