Errefuxiatuen kanpamenduetako sahararrak laguntzeko Karabana Solidarioa martxan da. Aurtengoan ezin izango dituzte, ordea, elikagaiak jaso, baina "hil ala biziko" diru bilketa kanpaina jarri du martxan Darahli elkarteak. Saharako Ilargi Erdia Gorria erakundeari bidaliko diote bildutako dirua, eta erakunde hori arduratuko da elikagaiak erosi eta familien artean banatzeaz.
Gerra berriki piztu da Fronte Polisarioaren eta Marokoren artean. Testuinguru horrengatik, egoera larriagotu egin da, Darahliren ustez. Elkarteak nabarmendu du kanpainak esangura handia duela.
Ekarpena egiteko deia
Zumaiako eta Urola Kostako herritarrak ekarpena egitera deitu ditu Darahlik: "Aurtengoan ezin izango dira elikagaiak supermerkatuetan bildu, eta, horrenbestez, dirua jasotzeko kanpaina bat egitea bururatu zaigu. Diru guztia, noski, jakiak erosteko eta horiek Tindufeko errefuxiatuen kanpamenduetara bidaltzeko baliatuko dira”.
Ekarpenak otsailean zehar jasoko dituzte, Bizum aplikazioaren edo ohiko banku transferentzien bitartez:
Laboral Kutxa: ES05 3035 0037 4103 7005 0791
Kutxabank: ES08 2095 5174 9091 1793 1051
Bizum: +34 605701463
(Dirua sartzean janaria kontzeptua jarri transferentzietan).