Larunbat honetan, martxoak 13, Torreberri gaztetxean hitzaldia eskainiko du Erraki Langile Kontrolpeko Espazioen Babes Sareak. "Okupazioaren kontrako ofentsiba" izango da saio horretako gai nagusia, eta 17:00etan hasiko da.
2019an sortu zen Erraki, eta iazko urte amaieran abiatu zuen "okupazioaren kontrako ofentsiba" seinalatzeko kanpaina politiko bat. Orduan azaldu zutenez, Errakiko kideek nagusiki hiru eremutan identifikatu dute "okupazioaren aurkako esku-hartzea": batetik, praktika horren "kriminalizazioa masa-komunikabideen bidez", bestetik, "okupazioaren aurkako esku-hartze praktiko eta zuzena" Desokupa bezalako enpresen bidez; eta, hirugarrenik, "ofentsiba juridikoa" okupazioa zigortzeko neurri eta lege proposamenen bidez. Hori guztia izango dute aztergai Torreberrin larunbateko saioan.