Martin Egaña, Unai Azkune eta Irati Osa izango lehiatuko dira; Xabier Osa, aldiz, entrenatzaile, arduradun eta laguntzaile moduan izango da Andaluziako hiriburuan.
Jubenil, 23 urtez azpiko eta senior kategorietako Espainiako piraguista onenak elkartuko dira bertan. Aipatzekoa da txapelketan izango diren klubeko hiru partaideak aurten senior kategoriara igo direla. Maila handieneko kategoria dela jakinik lan handia egin dute emaitza onak lortu ahal izateko.
Larunbatean 2.000 metroko sailkapen estropada izango dute Egañak eta Azkunek. 70 piraguista sailkatuko dira igandean izango den 5.000 metroko finalera.
Osaren kasuan, finalera sailkatuta dago jada eta igandean izango du estropada, 5.000 metroan.
Pandemiagatik azken urte honetan ez dute nazioarte mailako lehiaketarik izan, baina egutegian izango balituzte bezala entrenatu dute, maila onena erakusteko.