Pentsio publiko, osasungintza eta zaintza-lan duinak aldarri, beste aste batez

Gaur eguerdian ere, astelehenero bezala, protesta izan da Saregileen plazan. Pentsio publiko duinak aldarrikatu dituzte beste aste batez, baita osasungintza eta zaintza-lan duinak ere. Badira bi urte pentsiodunak astero irteten direla kalera Zumaian, pentsio sistema publiko duina exijitzeko, pentsiodunen mugimenduak tokian toki egin modura. Horretaz gain, osasun sistemaren eta zaintza-lanen gaineko aldarriak ere kaleratu dituzte pandemia garaian.