Zumaiako Odol Emaileen Elkarteak omenaldia egingo die maiatzaren 30ean, igandea, herriko bost odol emaileri. Hain justu, dohaintza kopuru jakin bat gainditzen duten herritarrei aitortza ekitaldia egiten diete urtero, eta iaz bertan behera geratutako ekitaldia da igandean egingo dutena.
25 odol emate egin dituzten bi zumaiar, 40 egin dituen bat eta 50 egin dituen beste bi omenduko dituzte, hain zuzen ere, igandean. Gizarte Zentroan (Hogarra) egingo dute ekitaldia, 11:00etan.