Piraguismoko surf-sky modalitateko Series Cantabras txapelketa jokatu zen larunbatean Santanderreko uretan. Kantabriako surf-sky txapelketa ere bazen. Zumaiako Itxas-Gain klubeko sei kirolari izan ziren bertan lehian, eta lau domina lortuta itzuli ziren etxera.
Maite Etxabek urrezko domina lortu zuen emakumezkoetan, maila absolutoan. Gizonezkoetan, beteranoetako A mailan, Jose Mari Villagarciak ere urrezko domina erdietsi zuen. Estropada berean, Oier Aizpuruak zilarrezko domina lortu zuen, eta Eñaut Aizpurua laugarren izan zen. Laugarren domina, brontzezkoa, Haritz Aizpurua Etxabek lortu zuen, gizonezkoen jubenil mailan.