Igande honetan, ekainaren 19an, Adi, grabatzen, ekin! haurrentzako antzezlana ikusi ahal izango da Zumaiena ikastetxeko patioan. Tomax eta Muxi pertsonaien istorioez gozatzeko aukera izango dute haurrek, eta umorea, abestiak nahiz jolasak uztartuko dituzte Tomaxen Abenturak antzerki taldeko kideek.
18:30ean hasiko da ikuskizuna, eta prestaketa lanak egin beharko direnez, 17:00etan itxiko dute Zumaienako patioa.
Antzezlanerako gonbidapen-txartelak bihar, larunbatean, jarriko dituzte eskuragai Zumaiako Turismo Bulegoan. 10:00etatik 14:00etara eta 15:00etatik 19:00etara egongo da zabalik.