Bi bidaia prestatu ditu Beheko Plaza jubilatuen eta pentsiodunen elkarteak. Lehenengoa irailaren 19tik 23ra bitartean egingo dituzte (bost egun eta lau gau), eta Kataluniako hiru cava upategi bisitatuko dituzte, Sitgesen, Pobleten eta Santes Creusen. Lau izarreko hotel batean egingo dute egonaldia.
Urrian, berriz, Benidormera joango dira. Urriaren 2tik 11ra bitartean egingo dute bidaia (hamar egun eta bederatzi gau), eta hiru izarreko hotel batean igaroko dituzte gauak.
Bi bidaia hauentzako izen-ematea uztailaren 1ean zabalduko dute. Goizeko 11:00etatik aurrera eman ahal izango dira izenak elkarteak Eusebio Gurrutxaga plazako gizarte zentroan (Hogarrean) duen lokalean. Hogar bertako arbelean aurki daiteke bidaia hauen inguruko xehetasun gehiago.