Torrelavegan (Kantabria, Espainia) antolatzen duten Jose Luis Hidalgo XXI. poesia lehiaketa irabazi zuen Imanol Ulacia zumaiarrak urte hasieran. Sari bezala, poemez osasutako liburua argitaratuko zioten, eta Rocas de Itzurun da horren emaitza.
Liburua pasa den larunbatean aurkeztu zuen Ulaciak Torrelavegan. Ekitaldian, beste bi poeta izan zituen aldamenean: Carlos Alcorta poeta, editorea eta literatur-kritikaria; eta Rafael Fombellida, poeta eta editorea. Biek ala biek poesia lehiaketa ugari irabazi dituzte.
Rocas de Itzurun Ulaciaren bigarren poesia liburua da. Aurretik, 2018an, Bar Kabi izeneko argitalpena atera zuen.