Ezker hormarik eta erreboterik gabe; kantxa eta frontisa bakarrik. Hala jokatzen da plaza librean. Ipar Euskal Herriko pilotariek badute esperientzia halako pilotalekuetan; Hego Euskal Herrikoek gutxiago. Hala ere, Zumaiako hiru ordezkariek, Cosme Agirrek, Iñaki Osa Goikoetxeak eta Imanol Lopezek, desafioa onartu zuten, eta Getariako plazan neurtu ziren bertako ordezkarien aurka: Ludovic Laduche, Christian Zamora eta Eric Irastorza izan zituzten aurkari zumaiarrek.
Zumaiarrak ez daude ohituta halako plazatan jokatzera eta Getariako hirukotea izan zen erronkan nagusi. 2 eta 0 emaitzarekin gailendu ziren larunbatean jokatutako desafioan.