Gaurkoan Donostian jokatu dituzte ETE ligako estropadak, 10:45ean hasita. Hirugarren txandan aritu dira Telmo Deuneko neskak, Hibaika Jamones Ancin, Tolosaldea eta Deusto-Tecuni-Bilbao taldeekin batera. Zumaiarrak izan dira laugarrenak txanda horretan, 11:23,00 denborarekin. 10:57:80 denbora egin du Deustok, 11:01,05 Tolosaldeak eta 11:10,50 Hibaikak.
Gaurko estropadetako sailkapenean, hala, seigarren postuan sailkatu dira zumaiarrak. Aurreko astean baino emaitza apalagoak izan dituzte gaurkoan; izan ere, laugarrenak izan ziren aurreko igandean eta hirugarrenak larunbatean. Hirugarren txandan Telmo Deunekin lehiatu direnek lortu dituzte gaurkoan aurreneko hiru postuak; hain zuzen, lehenengo egin du Deusto-Tecuni-Bilbaok, bigarren Tolosaldeak eta hirugarren Hibaika Jamones Ancinek.
ETE ligako sailkapen orokorrari dagokionez, oraingoz, bosgarren postuan dago Zumaia, aurreko asteburuan baino bat beherago. 44 puntu eskuratu ditu guztira, laugarren postuan dagoen San Juan-Igartzak bezainbeste. Telmo Deunen aurretik daude Tolosaldea, Deusto-Tecuni-Bilbao, Hibaika Jamones Ancin eta San Juan-Igartza, hurrenez hurren.
Bihar, uztailaren 11n, Lekeition izango dira ETE ligako estropadak. 12:00etan ekingo diote lehiari.
ESTROPADAKO SAILKAPENA
| Elkartea | Denbora | Puntuak | |
|---|---|---|---|
| 1º | DEUSTO-TECUNI-BILBAO | 10:57,80 | 11 |
| 2º | TOLOSALDEA A.K. | 11:01,05 | 10 |
| 3º | HIBAIKA JAMONES ANCIN | 11:10,50 | 9 |
| 4º | ONDARROA-CIKAUTXO | 11:16,31 | 8 |
| 5º | SAN JUAN-IGARTZA | 11:20,79 | 7 |
| 6º | DELTECO ZUMAIA | 11:23,00 | 6 |
| 7º | ISUNTZA-ELECNOR | 11:34,73 | 5 |
| 8º | ZARAUTZ-GESALAGA-OKELAN | 11:42,04 | 4 |
| 9º | LUTXANA A.E. | 11:43,04 | 3 |
| 10º | LAPURDI | 12:07,79 | 2 |
| 11º | CASTRO CANTERAS DE SANTULLAN | 12:20,60 | 1 |
SAILKAPEN OROKORRA
| Elkartea | Puntuak | |
|---|---|---|
| 1º | TOLOSALDEA A.K. | 64 |
| 2º | DEUSTO-TECUNI-BILBAO | 60 |
| 3º | HIBAIKA JAMONES ANCIN | 54 |
| 4º | SAN JUAN-IGARTZA | 44 |
| 5º | DELTECO ZUMAIA | 44 |
| 6º | ONDARROA-CIKAUTXO | 39 |
| 7º | ISUNTZA-ELECNOR | 31 |
| 8º | LUTXANA A.E. | 22 |
| 9º | ZARAUTZ-GESALAGA-OKELAN | 19 |
| 10º | LAPURDI | 12 |
| 11º | CASTRO CANTERAS DE SANTULLAN | 7 |