III. Errenteria Hiria jokatu dute gaur ETE ligako traineruek 11:15ean hasita Oreretan. Erlojuaren aurka aritu dira, bi txandatan, eta bigarrenean jokatu du Zumaiak, Deusto, Hibaika eta Tolosaldearekin batera. Aurreko astean jokatu gabe gelditu zen Delteco Zumaia, COVID-19a dela eta.
Gaurko estropadan Hibaika nagusitu zaio Tolosaldeari, 10:56,96 denbora eginda, eta bigarren egin du sailkapen orokorreko liderrak, 11:02,07 denborarekin.
Zumaiarentzat izan da laugarren postua 11:12,28 denborarekin, Deustorengandik ia zazpi segundora helmugaratuta. Sailkapen orokorrean ere laugarren da Telmo Deun, baina gertu du San Juan, bosgarren postuan.
Larunbatean dute hurrengo hitzordua, 12:00etan, Ondarroan. Guztira bost jardunaldi dituzte jokoan liga amaitu aurretik. Ikusi hemen egutegi osoa.
Gaurko sailkapena
1. Hibaika 10:56,96
2. Tolosaldea 11:02,07
3. Deusto 11:05,92
4. Zumaia 11:12,28
5. San Juan 11:17,25
6. Ondarroa 11:19,59
7. Zarautz-Gesalaga-Okelan 11:30,53
8. Lapurdi 11:36,39
9. Isuntza 11:37,69
Sailkapen orokorra
| Elkartea | Puntuak | |
|---|---|---|
| 1. | TOLOSALDEA A.K. | 10,67 |
| 2. | DEUSTO-TECUNI-BILBAO | 9,78 |
| 3. | HIBAIKA JAMONES ANCIN | 9,22 |
| 4. | DELTECO ZUMAIA | 7,44 |
| 5. | SAN JUAN-IGARTZA | 7,22 |
| 6. | ONDARROA-CIKAUTXO | 6,33 |
| 7. | ISUNTZA-ELECNOR | 5,13 |
| 8. | LUTXANA A.E. | 3,75 |
| 9. | ZARAUTZ-GESALAGA-OKELAN | 3,44 |
| 10. | LAPURDI | 2,44 |
| 11. | CASTRO CANTERAS DE SANTULLAN | 1,25 |