Itaia Emakumeen Antolakunde Sozialistaren eskualdeko taldeak ekimen sorta prestatu du uda garairako Zarauzko Putzuzulo eta Zumaiako Torreberri gaztetxeetan. Bihar, abuztuak 11, Torreberrin elkartzekoak ziren, Emakume langilearen heziketa politikoa eta antolakuntzaren beharra hitzaldia eta DJ Droga Purpura musika emanaldiaz gozatzeko. Osasun egoera tarteko, bertan behera utzi dituzte hitzordu horiek.
Abuztuaren 27an elkartuko dira berriz ere Putzuzulon. Hona hemen egun horretarako prestatutako egitaraua:
- 11:00. Identitate politikak eta borrokarako subjektua formakuntza politikorako mintegia.
- 14:00. Bazkaria.
- 18:00. Mirua taldearen kontzertua, akustikoan.