Trikiti txapelketetan aurkari izandakoak, Kepa Junkerarekin Sorginak taldean aritutakoak... Gazteak izanagatik, plaza ezagutzen dute Neomak osatzen duten zazpi emakumeek. Irailaren 25ean Zumaiena aretoan kontzertua eskainiko du zazpikoteak, 20:00etan hasita; Zumaiako Udalak uda garairako antolatutako kultur egitarauko azken kontzertua izango da.
Sarrerak gaurtik aurrera, ostirala, izango dira eskuragai, Turismo Bulegoan, 5 euroren prezioan. Turismo Bulegoaren ordutegia: astelehenetik larunbatera 10:00etatik 14:00etara eta 18:00etatik 20:00etara. Igandeetan: 10:00etatik 14:00etara.