Dantza garaikideari eta haren sorkuntza prozesuei buruzko ezagutza zabaltzeko helburuarekin, hilean behin saioak ematen ditu Zumaian Dagaz Dantza Garaikideko Zaleen Sareak. Datorren igandean, hilaren 17an, izango da hurrengoa. Laura G. Latasaren eskutik, mugimenduan dagoen gorputzaren eta espazioaren arteko harremana aztertuko dute saiora bertaratutakoek.
Lotura honetan eman daiteke izena igandeko saiorako. Torreberrin izango da, 11:00etatik 12:30ak bitarte, eta 8 euroren prezioa du.