Komentuko lorategia 17:00etan itxiko da gaurtik aurrera

Neguko ordu aldaketa egin da bart, eta horren ondorioz, ordubete aurreratuko dira egunsentia eta ilunabarra. Horretara hobeto egokitzeko asmoarekin, Komentuko lorategiaren itxiera ordua ordubete aurreratzea erabaki du udalak. Hala, 10:00etatik 17:00etara egongo da zabalik. Joan den ekainean zabaldu zuen udalak lorategia herritarrentzat, zenbait txukuntze lan egin ondoren.