'Ellas son de aqui' plataformaren saria irabazi du Irati Osak

Juan Luis Romatet 2021ko aza. 1a, 17:15

Emakumea eta kirola sustatzen dituen Ellas son de aqui plataformaren deialdira aurkeztu ziren Irati Osa eta k2ko bikotekide duen Arantza Toledo orain bi urte. Plataforma horrek ematen dituen beketako bat jaso berri du bikoteak.

Ellas Son de Aqui emakumezkoen kirolaren inguruan sentsibilizatu eta nabarmendu nahi duen plataforma da, eta, aldi berean, Espainiako kirolariek finantziazioa lortzeko aukera izan dezaten espazio bat eskaini nahi du. Plataforma honek ematen dituen bekak jasotzeko, proiektua gain, bideo bat aurkeztu behar izan zuten Osak eta Toledok beraien kirolak, piraguismoak, dituen behar zein mugak azaleraziz. Bideoa Zumaian eta Cuencan grabatu zuten, Osaren zein Toledoren jaioterrietan, eta denbora honetan 32.000 ikustaldi izan ditu.

Orain astebete jakin zuten beraien proposamena izan zela sarituetako bat, elite mailan. Larunbatean Sorian izan ziren saria jasotzen eta aurreko urteetako irabazleekin emakumeek kirolean dituzten zailtasun, mugak zein beharren inguruan hitz egiten aritu zen. Osak aipatu duen moduan, "ohore bat da nazioarteko kirol ezberdinetako kirolariekin bat egin eta egunerokotasunean ditugun zailtasunen inguruan jardutea”.

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide