14 urtetik gorako desgaitasunen bat duten pilotariei zuzendutako topaketa da larunbatean Errenteriako Agustina Olaeta Pilotalekuan egingo dena. Jarduera goizeko 10:30ean hasiko da. Denboraldiko lehen topaketa izango da Errenteriakoa.
Zumaiako Pilota Elkarteko hiru pilotari izango dira topaketa hauetan parte hartzen: Leire Esnal, Xabier Olaziregi eta Jurdan Arakistain.