Errenteriaren eta Zarautzen lekukoa Zumaiak hartuko du datorren larunbatean. Goizeko 10:30ean hasita, euskal pilota egokituko paleta topaketa egingo da Aitzuri pilotalekuan. Lehia alde batera utzita, emaitzei inolako garrantziarik eman gabe, elkar ezagutu eta elkarrekin pilotan jokatzea dute helburu topaketa hauek.
25 lagunek parte hartu ahal izango dute gehienez Aitzuriko jardunaldi honetan, eta interesdunek 943- 46 25 14 telefonora deitu beharko dute, edo eskolaegokituak@gkef-fgda.org helbidera mezu bat bidali. Izena emateko epea bihar, osteguna, amaituko da.