Eskuin belauneko lotailutik operatu zuten atzo Ander Torriko jokalari zumaiarra, pasa den astean, entrenamendu batean, lesionatu ondoren.
Torrikok ez du partidarik jokatu martxoaren 27tik. Egun hartan eskuin belauneko lotailua hautsi zuen, Puente Genil taldearen aurka jokatuko partidan. Orduan ere operatu egin zuten, eta espero zen, behin osatu ondoren, datorren otsailean itzuliko zela lehiara. 24 urteko zumaiarrak osatze lanak egin beharko ditu orain, eta ez da espero denboraldi honetan berriro jokatuko duenik.
Berriro lesionatzea kolpe gogorra izan bada ere, Torriko itxaropentsu eta optimista da etorkizunera begira. "Lesioa gainditzeko asko borrkatu nuen, osatzeko eta kantxetara itzultzeko. Orain berriro irteerako puntura itzuli beharko dut, baina lan egingo dut ahalik eta azkarren prest egoteko", azaldu du Anaitasuna taldeko webgunean.