Hiru probak osatu dute aurtengo zirkuitua, eta hiruretan lortutako puntuak batuta, Annette Gonzalez-Etxabarri izan da zirkuituko irabazlea. Surfista zumaiarrak 3.190 puntu lortu ditu. Garaipen hau lortzeko ezinbestekoa izan da Zarauzko proba irabazi izana.
Silke Martinez sailkatu da bigarren postuan, 3.005 punturekin, eta hirugarren Janire Gonzalez-Etxabarri zumaiarra, 3.000 punturekin.
Bobyboardeko zirkuituan, Xabier Urrestilla hirugarren izan da, Alex Odriozola bosgarren, Andoni Izaga zazpigarren eta Jon Lopez zortzigarren. Irabazlea, Ayoub Adardour izan da.