Bihar, abenduak 26, bi mobilizazio egingo dira Donostian, eta horietan parte hartzera deitu dute Zumaian ere. Lehenbizi, 12:00etan, Martutene espetxetik abiatutako bizikleta martxa egingo da, eta 13:00etan, manifestazioa Donostiako epaitegien parean.
Urtea amaitzeko, abenduaren 31n, ostirala, manifestazioa egingo da Zumaian bertan, Beheko plazatik abiatuta. 19.00etan izango da hori.
2022aren hasieran, urtarrilaren 8an, azkenik, urteroko manifestazioa egingo da Bilbon Elkarbizitzarako, bakerako, etxerako bidean lelopean. Autobusak izango dira joateko zein bueltatzeko, eta zerbitzu horiek erabili nahi dituztenek aurrez izena eman dezakete Metro eta Inpernupe tabernetan, edo hemen.