Aitzuri pilotalekuan goi mailako pilotariak ikusteko aukera egongo da urtarrilaren 15ean, nor baino nor lehiatuko direlako Elezkano II.a-Zabaleta Irribarria-Rezustaren aurka. EPEL liga barruko partida izango da.
Aurrez, berriz, promozio ligakoa jokatuko dute Zabala-O. Etxeberriak Salaberria-Erostarberen kontra.
17:15ean hasiko dira Zumaiako Udalak antolatutako partidak, eta sarrerak 16:00etatik aurrera jarriko dituzte salgai leihatilan. Aurrez erosi nahi dituenak, berriz, etzitik, asteazkenetik aurrera edukiko du horretarako aukera online.
Sarrerak 25-30 euro balioko dituela jakinarazi dute.