Alebin mailan, Ander Mendizabalek (Donostia) eta Igor Enbilek (Zumaia) osatutako bikotea Pablo Paniaguaren (Danok Bat) eta Eñaut Goñiren (Zumaia) aurka aritu ziren. Lehenak nagusitu ziren bi setak irabazita: 13-10 eta 13-6.
Txiki mailan, berriz, Ane Elezgarairek (Danok Bat) eta Frida Watkinsek (Zumaia) osatutako bikoteak Xabat Lazkanotegi (Hondarribia) eta Ibai Arrizabalaga (Danok Bat) izan zituen aurkari Mutrikuko frontoiko kantxan. Neskek lortu zuten garaipena, bi setetan: 13-6 eta 13-7.