Hernaniko Musika Eskolako Dakapo abesbatzak kontzertua emango du gaur, ostiralarekin, 18:30ean Komentuan. Euskal idazleek konposatutako doinuak ekarriko dituzte, sakroa eta polifonia modalitateetan.
Ibilbide luzea du Dakapok. Garbiñe Orbegozoren zuzendaritzapean sortu zen, 1993. urtean. Gaur egun, hainbat ekitalditan parte hartzen du, bai musika eskolek antolatutakoetan –elkartrukeak, ikasturte bukaerako emanaldiak edota Musikaldia– eta baita herri mailako jaialdietan ere. Euskal Herritik kanpo ere emanaldi ugari eskaini du, besteak beste, Alemanian eta Pozuelo de Alarcon herrian.