Itsas Salbamendu Humanitarioko 'Aita Mari' erreskate ontziaren aldeko lasterketa solidarioa egin zuten urtarrilaren 31n, Zumaiena Ikastetxean, Bakearen Nazioarteko Egunaren barruan. "Ikasleek eta irakasleek korrika egin zuten elkarrekin, eta giza eskubideei buruz ere hausnartu zuten. Horrekin batera, borondatezko ekarpen ekonomikoa egiteko aukera luzatu genien familiei", azaldu du ikastetxeak.
'Aita Mari' ontziko ordezkari Nerea Matxado izan zuten atzo gonbidatu ikastetxean, eta ekitaldi xume bat antolatu zuten egiten duten lana eskertzeko. Horrez gain, urtarrilaren amaieran bildutako 2.723 euroko aportazio ekonomikoa eman zioten. "Denon artean, hondar-ale garrantzitsua jartzen saiatu gara giza eskubideen aldeko lanean", diote Zumaiena Ikastetxean.