Golden League 2022ko bi partida jokatuko ditu Espaniako eskubaloi selekzioak martxoan Danimarkan. Hilaren 19an, larunbata, Danimarka bera izango du aurkari, eta egun bat geroago, igandean, hilaren 20an, Norvegia.
Jordi Ribera hautatzaileak hemezortzi jokalari deitu ditu partida hauek jokatzeko, eta horien artean da Kauldi Odriozola, Bidasoako jokalaria. Eskuin alboko postuan arituko da Odriozola. Postu bererako Ferran Sole deitu du Riberak.
Deitutako jokalariak martxoaren 13an, igandea, izango dira Madrilen, eta handik, astelehen goizean bertan, Danimarkara abiatuko dira. Espainiako espedizioa Aarhusen bilduko da aste osoan Golden League 2022 honetan izango dituen bi partidak prestatzeko.