Sos Ukraina Zumaia osatzen duten kideek eskerrak luzatu nahi dizkie asteburu honetako janari bilketan parte hartu duten zumaiar guztiei.
Batetik, janaria eman duten guztiei; eta bestetik, boluntario moduan lanean ibili direnei, beraiek gabe ezinezkoa izango litzateke lorpen hau.
Bilketa guztiz arrakastatsua izan da, eta orain materiala sailkatzen eta antolatzen ari dira lehenbailehen Ukrainako txokoren batera bidaltzeko.
Egunak aurrera joan ahala jakinaraziko dute egindako bilketaren zenbaketa, eta Ukraina aldetik eskakizun bereziren bat iritsiz gero, beste bilketa berezi bat jarriko dute martxan.
