Partida handia jokatuko da gaur Gernikako frontoian. Aurreko jardunaldietan gertatu bezala, pilotalekuko harmailak bete egingo dira; sarrerak dagoeneko agortuta daude Internet bidez, eta leihatilan 100 bat jarriko dituzte salgai, 18:00etatik aurrera.
Iñaki Osa Goikoetxeak eta Aimarrek osatutako bikoteak, B multzoko onenak, A multzoan bigarren sailkatu ziren Olharan eta Etcheto izango dituzte gaur aurkari Jai Alai Winter Serieseko bigarren finalerdian. Partida 19:30ean jokatuko da, eta 22:30etik aurrera emango du ETB-1ek.