Eva Franco argazkilari zumaiarraren Maskarada erakusketa ikusteko azken egunak dira hauek. Igande iluntzean itxiko ditu ateak erakusketak Alondegiko Oxford aretoan. Gaur 18:00etatik 20:00etara izango da zabalik, eta bihar eta etzi, larunbatean eta igandean, 12:30etik 14:00etara, eta 18:00etatik 20:00etara.
Gaur goizeak bisitari bereziak izan ditu erakusketak; Zumaiako ikastetxeetako haurrak, hain zuzen. Euskal mitologiako pertsonaiak jorratzen ditu Francok bere lanetan, eta haien inguruko azalpenak eman dizkie haurrei.
