Ostiral arratsaldean Zumaiatik Sevillaraino bidaiatu eta atzo goizeko 8:30ean ekin zioten Itxas-Gaineko piraguistek Espainiako Neguko Txapelketari. Goizeko saioan, finaletarako txartela lortu zuten Molinak, Aizpuruak, Egañak eta Peñak.
Molinak eta Aizpuruak atzo arratsaldean jokatu zuten jubenil mailako finala. Guztira 70 partaide ziren, eta Molinak 16. postua lortu zuen eta Aizpuruak 49. amaitu zuen.
Beteranoen artean ere izan ziren Itxas-Gaineko ordezkariak. Xabier Osa podiumeko lehian izan zen 50-54 urte arteko kategorian, baina ezin lana borobildu eta laugarren postuarekin konformatu behar izan zuen. 55-59ko kategorian, Javier Lizancosek 16. amaitu zuen.
Eguneko albiste pozgarriena emakume beterano bakarraren eskutik etorri da. Maite Etxabek 45-49 kategorian debuta egin zuen atzo eta bigarren postuarekin zilarrezko domina bereganatu zuen.
Gaur seniorrek emango diote amaiera txapelketari. Emakumeen estropadan IratiOsak hartuko du parte eta mutiletan Martin Egañak eta Iñigo Peñak.