Gipuzkoako klub eta gimnasio desberdinetako boxeolariak Bizkaiko Team Rivero klubeko boxeolarien aurka arituko dira larunbat goizean Anoetako gimnasioan, Donostian, egingo den intergymean.
Zumaia Cuban Boxing klubeko buru Ruben Arredondok azaldu duenez, lau lagun eramango ditu borrokaldi hauetara: Mady (64 kilo), Lorenzo (72 kilo), gazte mailan arituko den Jaio (67 kilo) eta Eliezer (75 kilo) junior mailako borrokalaria.
Boxeo gaiekin jarraituta, datorren larunbatean, apirilaren 2an, Gipuzkoako txapelketako kanporaketak jokatuko dituzte Anoetako gimnasioan. Mady, Jaio eta Eliezer dagoeneko sailkatuta daude Euskadiko txapelketarako, Arredondoren esanetan, Gipuzkoan aurkaririk ez dituztelako.