Martxan da 22. Korrika, eta hiru egun baino ez dira gelditzen Zumaiatik igarotzeko. Dagoeneko Euskal Herriko txokoren batean izan zarela euskararen alde lasterka egiten? Ostiralean Zumaian egingo duzula korrika? Une horiek guztiak jaso nahi ditugu, eta horretarako, zuen laguntza behar du Baleike.eus-ek.
Baleikek argazki bildumak eta bideoak egingo ditu ostiralean, Korrika Zumaiatik igarotzen denean, baina herritarrek bidalitako irudien bilduma bat ere osatu nahi du. Horrenbestez, euskararen aldeko egitasmoaren aurtengo edizioa bukatu bitartean ateratako argazkiak zumaia@ukt.eus helbide elektronikora bidal ditzakete herritarrek.