Zumaian hasi eta herrian bertan bukatzen da Zumaia Bira. Tartean, Elorriaga, Agote, San Lorente, Ibañarrieta, Oikia eta Artadi igarotzen dituzte mendizaleek. Aurreko bi urteotan ezin izan da egin, pandemiak eragindako osasun krisialdiagatik. Aurten, ordea, ez da arrazoirik izan mendiko botak jantzi eta, eguraldia lagun, buelta ez egiteko.
Goizeko 9:00etan elkartu dira Beheko plazan, Indamendi bazkunak deituta, eta handik ekin diote bideari. Kirol jarduera hau Eskola Kirolaren barruan sartzen da, eta haurrek ere parte hartu dute ibilaldian.