Lau egun besterik ez dira falta 2022ko San Telmo jaiak hasteko, eta ostiral gauerako bertso saio aparta prestatu dute. 22:00etan hasita, Zumaienako oholtzan izango dira bertsotan Uxue Alberdi, Sustrai Colina, Andoni Egaña, Oihana Iguaran, Unai Iturriaga eta Maialen Lujanbio. Jon Maiak egingo ditu, berriz, gai-jartzaile lanak.
Sarrerak salgai daude dagoeneko Turismo Bulegoan. Gaur 14:00ak arte izango da zabalik bulegoa. Bihartik aurrera, berriz, goiz eta arratsaldez, 10:00etatik 14:00etara eta 16:00etatik 18:00etara.