Atzo goizean jokatu zen Half Triathlon Iruña proba, eta Helene Alberdi kirolari zumaiarra izan zen garaile. Distantzia erdiko proba izan zen atzokoa, eta inork baino azkarrago osatu zituen Alberdik igerian 2.000 metro, bizikletaz 80 kilometro eta hemezortzi kilometro korrika. Judith Corachan heldu zen bigarren, eta Laura Gomezek osatu zuen podiuma.
Atzoko proba ranking profesionalerako puntuagarria zen, eta egindako denborari esker, Espainiako distantzia erdiko txapeldun postua eskuratu du Alberdi zumaiarrak.