Erregionaletako Ohorezko mailara igotzeko fasean murgilduta daude Urola bailarako bi taldeak, Zumaiako eta Lagun Onak. Pasan den larunbatean Azpeitiko Garmendipe futbol zelaian jokatutako joaneko partidan Lagun Onak izan zen irabazlea, 1-0 emaitzarekin. Itzulerako partida jokatuko da gaur Zumaian, Aita Marin, 17:00etatik aurrera, eta Zumaiakok emaitzari buelta eman beharko dio mailaz igo nahi badu.
Zaletuen bultzada ez zaio faltako Zumaiakori, eta gorriz jantziko da Aita Mari denboraldiko partida garrantzitsuenean.