Zarauzko Triatloia bihar jokatuko da, eta ohi bezala, horrek aldaketak eragingo ditu inguruko herrietako zirkulazion hainbat orduz. Zumaiari dagokionez, 14:45etik 18:00etara herri inguruko zenbait errepide itxita egongo dira.
Lurraldebus autobus zerbitzuan ere eragina izango du kirol probak. Geltokietan jarriko dituzte aldaketen inguruko oharrak, baina hemen ere ikus daitezke: Urola Erdia eta Urola Kosta.
Udalak jakitera eman duenez, honakoak izango dira aldaketa nagusiak:
- Zumaia eta Zarautz arteko kostako errepidea (N-634) itxita egongo da Zarauzko noranzkoan. Horregatik, Zarautzera joateko A-8 autobidea erabili beharko dute zumaiarrek.
- Bombas Azkue enpresaren pareko biribilgunea eta Zarautz arteko errepidea (N-634) itxita egongo da Zarauzko noranzkoan. Narrondoko bizilagunek ezin izango dute errepide horretatik Zumaiara autoz joan. A-8 autobidetik egin beharko lukete bidea, Zarautzeraino joanda eta han buelta hartuta.
- Zarautz, Meagas, Aizarnazabal eta Oikia artean itxita egongo da GI-2633 errepidea. Oikiarrek, Oikiatik sartu eta irteteko, Pollos Oikina enpresaren pareko sarbidea erabili beharko dute.