Beheko Plaza abesbatzak kontzertua eskaini zuen ostiral iluntzean, Komentuko kaperan. Pandemia hasi zenetik, Zumaiako abeslariek ez dute jendaurrean aritzeko aukerarik izan. Beraz, baziren hiru urte inguru oholtzara igo ez zirela.
Hainbat lagun bertaratu ziren emanaldia entzutera, zenbaitentzat lehendabiziko aldia izan zen. Bukaeran omenaldia egin zioten Mari Carmen Azpeitia pianojoleari, lore-sorta eta bertso batekin. Koruak betidanik ondoan izan ditu Azpeitia eta bere doinuak.